我既第一篇日記…應該話係公告o岩d……

睇過既人，請給我留言，無論咩都好…

送給我所有既—朋友

十八歲o勒，中七來臨o勒，近來好似有好多衝擊向我迎面而黎……不過，呢d唔單止係對我既衝擊，更加係對所有同年紀既人既衝擊，即係你地。

隨著自己年紀愈大，愈覺得生命復雜。生活不再只為考試，打機，同朋友玩同訓覺。而家仲要諗下大學讀d乜，出到黎做d乜，自己將來既方向係點，邊個先係自己真正既另一半……呢d原本只係我地得閒諗下，同明友吹下水既時候會講既野，而家已經成為我地必須認真思考既問題。

我諗唔止係我，你地當中好多人都會感到迷惘。

我諗，我而家咁讀書，將來會入邊間大學呢？入左大學之後，我既生活又會點呢？讀完U又會點呢…或者你會覺得我諗得太長遠，而我唔否認。不過，係我察覺到近年來我同我身邊既人既關係既轉變令到我不期然咁諗既……

我自覺係一個好長情既人，由我小學有記憶識得既同學，至到近派聯校活動識既朋友，係我心目中都有一定既地位。我可以話佢地每一個既份量有輕有重，但係如果可以既話，真係想同佢地每一個保持關係。可惜既係，呢兩年黎令我明白到甚麼叫事過景遷。眼見自己同身邊既人關係慢慢疏離；朋友同朋友之間既慢慢疏離，心裡不期然充滿感歎。難度人愈大就會咁？難度過左去既野就無辦法重拾？

我為左呢d問題仲有其他野煩左好耐。有人覺得我自中六開始變到怪怪地，呢樣野我可以坦白承認。我已經怪左成年，而我更加會一直怪落去，或者過左高考之後會好d o瓜~我唔知。

我好清楚每一個人都有自己既問題要解決；每一個人都有自己既路要行。所以，我會積極尋找問題既答案，行一條屬於自己既路。

我寫呢d野，並唔係想同大家講下自己有幾煩，只係想以此向大家透露我既心底話。

盼望各位可以大家一齊努力，互勵互勉，共同去走各自既人生路。

最後，係度向大家致送幾隻字，作為鼓勵：

不要猶豫

不要後悔

願上帝祝福、保守、帶領各位